2 May, 2022
Hacker Aizawlah an hluar
Tunlai hian Aizawl khawpuiah Virus leh Spyware thehdarhtu an hluar hle a, khawvel pumpuiin an buaipui mek spyware hlauhawm tak tak
kan khawpui ngeiah zalen takin thehdarh mek a ni a, mimal documents nasa takin an tih leakout sak avangin sorkar thlengin
nghawng lian tak a nei dawn niin a lang.
Internet Chungchang Meeting
Dr. Lalrozama chuan, Internet tel lo chuan sawrkar office ten hna kan thawk hlei thei tawh lova,
hmasawnna hnathawh tam tak hi internet hmanga State thuneitu sang zawk leh Central thuneitute thlenga online-a
in be pawh chunga thawh a ni deuh vek tawh a ni. Hei vang hian Serchhip leh Serchhip District chhung hmun
thenkhata Internet lama harsatna kan tawh thin te rang taka kan siamthat a tul a.
Hmalakna tur hna pawimawh vawiina kan rel ang angte March ni 2 a Member of Parliaments (MP) hova State
Level meeting an neih ngaihtuah turin kan thehlut dawn a ni, a ti.
Mizoram-a Internet Connectivity tih hmasawn chungchang Governor in BSNL leh BBNL a sawipui
Governor Hari Babu Kambhampati chuan nimin khan Bharat Sanchar Nigam Ltd. (BSNL) leh Bharat Broadband Network Ltd. (BBNL) hotute kawmin Mizoram-a Internet Connectivity tih hmasawn dan tur chungchang a sawipui.
Raj Bhavan-a an inkawmna ah hian Mizoram hmun kilkhawr zawkah te Internet Connectivity a awm vek theihna tura BSNL hmalakna leh Internet Data chak zawka inpekna hrui, Fibre To The Home (FTTH) thlun hna thawk mektu BBNL hmalak mek leh an thlen chin te sawiho a ni a. BSNL hmalakna hrang hrang te chu Power Point Presentation hmangin Arun Kumar, GM, BSNL leh C.Lalawmpuia, AGM, BSNL ten tarlangin, BBNL hmalakna te chu Rameshwar Prasad, Dy. GM/Consultant, BBNL in a sawifiah bawk a ni.
Governor Hari Babu Kambhampati chuan BSNL leh BBNL hotute chu sawrkar Telecom Provider an nih angin hlawkna um lutuk lova Service tha zawk, Technology tunlai zawk te Mizoram hmun kil zawka cheng te tana chhawp turin a ngen a. An hmalakna tawhnaah lawmthu sawiin, tunah chuan Private Company ten Telecom Service an pek ve tawh avangin BSNL leh BBNL te pawhin tan an lak nasat a ngaih thu a sawi bawk.
Leave a Reply